Kiropraktorklinikken i Sogndal

Kiropraktorklinikken har flytta !

Etter 10 kjekke år på Sogningen med Wilhelm & co, er vi no komne ned i Fjøra att. Du finn du oss i Fjørevegen 18B, på nedsida av Meieribygget. Vi gler oss over god tilkomst på gateplan for pasientane våre og å vere langt meir synlege enn før. Kiropraktorane er dei same, tenestene er dei same, timebestillinga er den same, og vi skal fortsatt prøve å hjelpe flest mogleg så raskt som mogleg ! Vel møtt !

KORONAVIRUSET – INFORMASJON OG KONKRETE TILTAK

Alle vil verte godt ivaretekne hjå oss, også med tanke på smittevern i høve koronavirusutbrotet. Vi fylgjer Nasjonal rettleiar om krav til smittevern for verksemder inkludert i §16 i Covid-19-forskrifta, publisert av Helsedirektoratet 19.04.2020.

Ditt viktigaste bidrag er at du ikkje skal møte opp hjå oss dersom du har symptom på eller påvist luftvegsinfeksjon, og om du er i isolasjon eller i karantene. Dersom du treng å avbestille, kan du gjere det her på nettsida, sende oss ei melding eller ringe oss. Vi vil fortsatt helst ha avbestillingar seinast 24 timar før avtalen.

Om du ikkje treng nokon med deg, så unngå å ta med partner, ungar eller vener inn på venterommet. Vi ber pasientar om å vaske hender før og etter behandling. Det er toalett med vask i gangen.

Har du spørsmål så ikkje nøl med å ta kontakt på e-post til post@kiropraktorenhjelperdeg.no, på messenger eller telefon: 57 67 50 55.

Unikt tilbod innan ultralydundersøking og injeksjonsbehandlingar

Ein ultralydundersøking er ein rask og smertefri undersøking som er svært pasientvenleg og utan stråling. Saman med ein god klinisk undersøking gjev den muligheit til å stille ei meir nøyaktig diagnose ved ein rekke tilstandar.

Vi utfører injeksjonsbehandlingar med hyaluronsyre og PRP / ACP-Tendo. Hyaluronsyra vert brukt for friksjonsfri rørsle av leddet og beskyttar mot slitasje. PRP vert brukt for behandling av kroniske smertetilstandar i ledd. Vi kan også nytte ACP-Tendo ved leddbandskade, seneskade og muskelskade.

Les meir om ultralydundersøking

Les meir om injeksjonsbehandlingar

Vi ynskjer å vere dei beste klinikarane i vårt fagfelt og jobben med å vere dei best førebudde tek vi på alvor

Les meir om oss

Våre behandlingsmetodar er trygge og velprøvde for å gje deg eit friskare og meir aktivt liv

Les meir om våre behandlingsteknikkar

Handtering av muskel- og skjelettplager

Når ein pasient oppsøker oss er jobben vår fyrst og fremst å utelukke andre tilstandar enn frå muskelskjelettsystemet og tilstandar som skal tilvisast vidare. Neste steg er å stille rett diagnose og vurdere rørsleapparatet for dysfunksjonar og behandle med effektive metodar. I nokre muskel- og skjelettilfelle, som ved ryggsmerter, er ofte diagnosen å kategorisere det som mekanisk og ukomplisert. Deretter behandlar vi, og effekten av behandlinga er ein del av den diagnostiske prosessen.

Kiropraktorklinikken i Sogndal har vore leiande innan feltet i to tiår. Erfaringa vår og vår uttrøyttelege innsats mot livslang læring, er det som held oss i forkant, og er grunnen til at pasientar vel å oppsøke oss.

Tilbakemeldingar på arbeidet vårt

Eg er godt nøgd med Kiropraktorklinikken i Sogndal. Ein ting er at me har ein slik klinikk i Indre Sogn, og slepp reisa lange avstandar for kiropraktorbehandling. Men eg er også svært nøgd med kiropraktorane som arbeider der. Dei gjer ein samvitsfull og god jobb med pasientane, føl dei godt opp, og sender dei vidare til undersøkjing om det er naudsynt. Som tidlegare kommunelege, og i seinare år bedriftslege, har det vore fint å kunna tilvisa pasientar til Kiropraktorklinikken i Sogndal.

Ove LiBedriftslege ved Bedriftshelse1

Kaupanger fotball sitt damelag har i fleire år hatt eit godt samarbeid med Kiropraktorklinikken, som eit tillegg til fysioterapi. Dette samarbeidet har vore viktig i oppfølginga av enkelte av våre spelarar. Dei tilsette i Kiropraktorklinikken har høg kompetanse og viser ei brennande interesse for fotball. Spelarane opplever at dei får rask og god oppfølging, og at dei vert tilvist vidare dersom det er behov. I tillegg har Kiropraktorklinikken utstyr for ultralyddiagnostikk og nyttar fleire typar behandling, noko som gjer at behandlingstida ofte verte redusert.

Trine Lerum HjellhaugLeiar Kaupanger fotball

Veldig godt nøgd med både Jannike og Mara. Har hatt plantar fascitt i 6 mnd, og det var trykkbølgebehandling hos Jannike som gjorde susen! Eg merka betring etter fire behandlingar, og det var himmelrike for meg å endeleg kunne gå på foten igjen! Fascinerande å sjå kva kiropraktorane kan, og kva som skal til å «fikse» deg. Utruleg flinke! Litt venting på venterommet må ein tåle, for resultatet blir bra!

Janniche EikefjordHafslo

Profesjonell behandling og støtte frå Kiropraktorklinikken i Sogndal har vore grunnleggjande for friidrettskarrieren mi. Eg har fått kontinuerleg oppfølging og akutthjelp. Samarbeidet har resultert i mange gode prestasjonar og over 15 NM medaljar.

Ei stor takk!

Henrik HolmbergVik

Eg har opp igjennom åra hatt meget god effekt av behandlingen eg har fått hjå Kiropraktorklinikken i Sogndal. Dei har behandla vond korsrygg, stramme setemusklar, stiv nakke og vonde skulderblad, tennisalboge, hoftesmerter samt konstatert ein skade i eit kragebein ved hjelp av ultralyd. Dei finn alltid dei vonde punkta og behandlar deretter. Nålebehandling gir svært god effekt. Kiropraktorane har også behandla begge mine ungar ved ca 3 mnd alder grunna at babyen var mykje urolig og skreik mykje. God effekt av dette og. Anbefalar alle å oppsøke denne klinikken ved muskel og skjelettplagar!

Vigdis LioØvre Årdal

Bestill time

Aktuelt

Helseblogg

Kiropraktorklinikken i Sogndal

Kiropraktorklinikken har flytta !

KORONAVIRUSET – INFORMASJON OG KONKRETE TILTAK

Unikt tilbod innan ultralydundersøking og injeksjonsbehandlingar

Vi ynskjer å vere dei beste klinikarane i vårt fagfelt og jobben med å vere dei best førebudde tek vi på alvor

Vi behandlar

Våre behandlingsmetodar er trygge og velprøvde for å gje deg eit friskare og meir aktivt liv

Handtering av muskel- og skjelettplager

Tilbakemeldingar på arbeidet vårt

Aktuelt

Vi fylgjer retningslinjene – dette er anbefalingane for ryggsmerter

Meny

Opningstider

Kontakt